Farg'ona filiali tinglovchilar turar joyida davra suhbati tashkillandi.

O‘zbekiston davlat sport akademiyasi huzuridagi Jismoniy tarbiya va sport bo‘yicha mutaxassislarni qayta tayyorlash va malakasini oshirish instituti Farg‘ona filialida tinglovchilar uchun ma’naviy-ma’rifiy tadbirlar muntazam tashkil etilib kelinmoqda. Shu doirada, filialning tinglovchilar turar joyida yashayotgan tinglovchilarni har tomonlama qo‘llab-quvvatlash, ularning bo‘sh vaqtlarini mazmunli va samarali tashkil etish, shuningdek, turar joy tartib-qoidalariga rioya qilishlarini ta’minlash maqsadida navbatdagi davra suhbati bo‘lib o‘tdi.Tadbirda filialning direktor o‘rinbosari O. Qambarov ishtirok etib, tinglovchilarga filialda yaratilgan shart-sharoitlar, mavjud imkoniyatlar hamda ichki tartib-qoidalar haqida batafsil ma’lumot berdi. U, ayniqsa, tinglovchilar uchun yaratilgan sport inshootlari, kutubxona va o‘quv auditoriyalaridan samarali foydalanish va intizomga qat’iy amal qilish muhimligini ta’kidladi.