Farg'ona filiali mutaxassislari ishtirokida Namangan viloyati xalq ta’limi boshqarmasida o’quv seminari o’tkazildi.

Bugun barcha davlat tashkilotlari faoliyatida aholining murojaatlari bilan ishlash, ular bilan joylarda uchrashuv va tadbirlar, sayyor qabullar boʻyicha sifat jihatidan mutlaqo yangi tizim yaratildi. 
Joylarda oʻtayotgan bu kabi uchrashuvlar xalqning dardini eshitish, ularning muammolarini hal etishda, shak-shubhasiz, kutilgan natijalarni bermoqda. 
Shu maqsadda, Jismoniy tarbiya va sport bo'yicha mutaxassislarni qayta tayyorlash va malakasini oshirish instituti Farg'ona filiali mutaxassislari ishtirokida Namangan viloyati xalq ta’limi boshqarmasida o’quv seminari o’tkazildi. 
Tadbirda Farg’ona filiali mutaxassislari, Namangan viloyati  Xalq ta’limi boshqarmasi vakillari, Namangan viloyatidagi  umumta’lim  maktablarida faoliyat  yuritib  kelayotgan jismoniy  tarbiya  va  sport  mutaxassislari,  o‘qituvchilar, uslubchilar ishtirok etishdi. 
Seminarda malaka oshirish  instituti  va xalq  ta'limi  tizimi  bilan hamkorlik bo‘yicha olib  borilgan ishlar yuzasidan  o‘zaro  tajriba  almashish,  2022-yil  uchun  malaka  oshirish  rejasini tashkillash, malaka oshirish va sport sohasiga oid turli mavzulardagi tadbirga yig’ilganlarning murojaatlari atroflicha oʻrganib chiqildi.